雖然近排市場上對金手指有唔少評論，但有時不得不佩服佢哋嘅眼光．好似選擇玻璃股咁，就確實係有一手。
市場上有兩隻玻璃股，一隻洛陽玻璃（1108），一隻係浙江玻璃（739），前者業績肉酸，半年勁蝕1.6億元人民幣，但後者噚日公布中期業績，盈利勁升54%，有成5611萬元。點解在一眾芬佬離場後，淨係金手指睇好浙玻？
金手指由今年7月底起，密密增持浙玻股份，由7月30日到8月22日持有浙玻H股數量，由6.51%大增至14.02%，而浙玻嘅股價，亦因為佢嘅增持，唔夠一個月內，由1.50元急升至2.80元，就算近期回落，噚日仍收2.35元。
浙玻今次公布業績好靚仔，但冇股息派則令人略為失望。但經紀黃話，浙玻應該未炒完，下周重拾升浪唔出奇。
另外，經紀黃又過料畀小初，原來金手指在最近密密吸納北人印刷（187），呢隻國企被投資者冷落多時，但早排公布中期業績，純利上升23%，金手指肯沾手，相信有其道理。
慕容小初