應屆港姐冠軍曹敏莉、亞軍楊洛婷、季軍戚黛黛和李詩韻昨日在尖沙嘴洲際酒店出席頒獎禮。曹敏莉自當選港姐冠軍後，知名度大增，原來其胞妹曹敏寶亦參加了Cookies的招募成員比賽，並成功進入十強。
曹敏莉昨日表示家人很鼓勵妹妹今次參賽，她說：「都好呀，可以等妹妹發揮吓跳舞同唱歌細胞，到時如果我有時間一定會去支持佢，呢段時間我都唔想講太多，可以等妹妹輕鬆啲。」
而昨日Cookies接受港台訪問時，四位成員均不知道參賽者曹敏寶是應屆港姐冠軍的胞妹，她們說：「咁搞笑，真係唔知呀，如果再見到佢都會八卦吓，不過佢唱歌跳舞都OK，而且表現都好淡定。」
而曹敏莉當選後首項工作，便是今晚夥拍肥姐沈殿霞擔任《2003兒歌金曲頒獎典禮》司儀，問她可會有壓力，曹敏莉說：「肥姐做事認真，如果我真係有做錯，情願俾佢指點我。」
採訪、攝影：卓美娟