「我好多同學屋企都有電腦，可以隨時上網搵課外資料，例如世界各地名勝或者動物生態常識，又可以用電腦做統計圖表同儲存檔案。我屋企冇電腦，惟有經常去政府圖書館排隊借電腦用，好唔方便！」十二歲的亮仔皺着眉向記者訴說。
亮仔與母親及五歲半稚妹相依為命，自幼品學兼優，今年九月新學年將入讀中一。其母親曾女士坦言，她一家三口靠綜援金生活，需節衣縮食，實難有餘錢購買電腦。「我有嚴重風濕病，經常腰痠骨痛、手腳冇力，好多時痛到起唔到身，就算打針食藥都止唔到痛。自從離婚之後，我失去經濟支柱，自己又冇能力去打工，惟有靠綜援維持家計，要慳食慳用，邊有多餘錢買電腦。」
三十九歲的曾女士稱，亮仔為達成購買電腦在家中學習的願望，早前經常到後樓梯及公園撿拾舊報紙賣；可是收入實在非常有限。「亮仔試過一日執到兩份報紙但以每三十份報紙至賣到五毫子計算，真係難儲夠錢買電腦。」曾女士歎道。
亮仔在無計可施下，近日向本報求助。你願意幫助亮仔達成心願，捐出一部電腦讓他在家中學習嗎？
捐款編號：C1082
暖流熱線
電話：29908688
傳真：23702192
電郵：
網址：