林嘉欣、鄭中基（Ronald）、楊千嬅、梁漢文、何韻詩、周杰倫及陳冠希等，昨晚在黃竹坑香港仔運動場出席《太陽計劃2003閉幕音樂會》。
Ronald與楊千嬅、何韻詩及梁漢文昨晚合唱新歌《火紅火熱》，昨午綵排時Ronald與千嬅在台上有傾有講，對於被雜誌拍下走光照及被指胸圍與內褲顏色不協調，千嬅說：「咁我以後入面都要講究啲，要一日洗幾次，恐防有乜嘢俾人影到就好笑！其實夏天都成日俾人影到，我冇所謂，亦冇諗過要襯色。」對此Ronald則說：「乜佢咁大方呀？我冇睇過報道喎，我今日套衫都撞到似樹妖咁啦。」鄭中基與楊千嬅在台上演出時，被何韻詩隔開，但走位期間兩人也有相遇，表現自然。
而何韻詩透露前晚曾致電問候梅艷芳，她說：「佢把聲好好氣，個人好健康，佢話有人亂寫就會告，佢好硬淨，有乜風浪未遇過呀？大家唔好亂猜。」
此外，周杰倫昨晚打頭陣演出，但只唱了一首歌就離開，他說：「我趕着與唱片公司老闆開會談亞洲宣傳計劃。」提到他頂替周渝民及孫燕姿表演，周杰倫說：「本來上次我也想來，剛好有颱風，大家都想參加。」
採訪：王連連 攝影：陳偉權
