杜汶澤昨日在美孚接受《RoadShow》訪問，他透露其著作《江湖血淚史》已賣出約三萬本，成績理想。
早前吳君如與張衛健在有線不願接受其他傳媒訪問，問杜汶澤可知此事，他力撐好友說：「我有聽君如講過，佢唔係唔高興，不過有啲電視台以為啲藝人好鍾意做訪問，一定好鍾意見記者，其實電視台係有義務通知個藝人有冇記者嚟，人哋畀面吳君如先嚟做訪問，如果唔係好似跣咗佢咁。」
此外，剛拍完電影《大丈夫》的杜汶澤，即將接拍電影《無間道III終極無間》、《金雞II》及與鄭秀文及言承旭合作的《魔幻廚房》，他表示最快也要年尾才可放假。杜汶澤說：「黃秋生叫我去法國讀書，去讀一個月學點做小丑，不過要睇吓個期得唔得。」
採訪、攝影：馮美茵