法國雷諾車廠除會於今屆法蘭克福車展上，展出全新MeganeIISportTourer旅行車外，亦會展出以同一車體設計，但擁有兩種性格嘅BeBop概念車，相信勢必惹來車迷注目。
呢款能化身成全天候SUV能手，又或者係屬RenaultSport跑車版嘅BeBop概念車，兩者外表相近，同樣係以圓渾線條為主，而且擁有闊大車窗及幾近天幕式嘅車頂設計，絕能予人留有深刻印象；然而，由於SUV版屬四輪驅動設計關係，故此車身離地距會較RenaultSport跑車版（見圖）高（達210mm），而後者車高亦會較前者矮130mm（只有1550mm），從而令行車更見穩定呢！車廂布局方面，兩者則來得十分相近，不但空間闊落、顏色配襯鮮豔奪目外，極富CyberFeel嘅設計亦見有吸引力呢！
引擎配搭方面，SUV版會用上一台1.6公升直4偈，而RenaultSport跑車版則係一台2.0公升直4Turbo偈，匹配6前速半自動波箱，性能表現可謂毋庸置疑。