昨日二十三歲生日的謝霆鋒，在廣州跟三年前患癌症的女歌迷見面，激動得攬着她，場面感人。問到有關其契姐梅艷芳（阿梅）的病情時，霆鋒不願多談，並說：「希望傳媒畀少少空間啲病人。」
昨日雖然是謝霆鋒二十三歲生日，但因為霆鋒昨日一早便要到廣州工作，前晚又要為新歌拍MV，故未有與女友王菲共度生辰。前晚霆鋒到跑馬地拍MV，其母狄波拉亦陪伴左右。
拍完MV後，霆鋒便到附近探望正在拍電影的陳奕迅（Eason），惟Eason遠遠見到大批記者，即嚇得躲進大廈內避見傳媒，約半小時後，霆鋒便返家。昨日霆鋒一早出發到廣州工作，問他有何生日願望時，他笑說：「講出嚟就唔靈㗎喇！」
昨日下午，霆鋒先與鄭希怡（Yumiko）和內地翻版張栢芝戴嬌倩到廣州國際大飯店，出席「中北英皇造星計劃」記者會，之後再到廣州電台跟二百多位歌迷見面。未知是否因為生日而賣大包，昨日一班歌迷上台見霆鋒時，霆鋒竟然任攬唔嬲。昨日一位三年前曾與霆鋒見面的患癌女fans，在台上連番多謝霆鋒三年前為她打氣，並指現時病情已穩定，霆鋒即時攬着該fans，場面感人。
問霆鋒可擔心契姐阿梅的病情？霆鋒想了一會後說：「可唔可以唔答，今日係我生日。」阿梅可有致電祝他生日快樂？霆鋒說：「唔答都係一個答案嚟嘅。」那麼，阿梅的病情可有影響他演出今晚廣州演唱會的心情？霆鋒無奈地說：「好難答，演出心情喺嗰一刻，氣管炎都可以影響演出。」
問霆鋒跟患癌歌迷見面有甚麼感覺？霆鋒說：「係有啲唔同嘅感覺，唔係個個可以出番嚟同我講多謝。」面對癌症，霆鋒會是悲觀還是樂觀面對？他說：「一個朋友突然消失都會唔開心，我做到嘅嘢唔係好多，其實可能係一樣，就係要求傳媒傳一啲好嘅訊息，希望媒體畀少少空間啲病人，唔好畀佢哋咁大壓力。」
採訪：胡比（廣州）
攝影：娛樂突發組（香港）、林德雄（廣州）
