衞生署前署長陳馮富珍提早退休，過檔世衞出任高職，都算為香港人增光，佢今日就會告別香港出發去日內瓦履新。
陳太任內最經典言論係禽流感期間話自己日日食雞，呼籲市民放心，而本年初「沙士」襲港時佢日日出鏡開記者會，知名度大增，佢自己都話多咗唔少師奶Fans。
為歡送陳太，大班噚日特別喺節目《風波裡的茶杯》結束前，播咗陳太唱嘅一首《SmokeGetInYourEyes》，原來退休多年嘅前衞生福利司黃錢其濂出咗隻唱碟籌款，陳太就獻唱咗呢支金曲。
可惜大班只係播咗兩句就插播羅文首《前程錦繡》，陳太歌喉如何，八方就聽得唔多清楚。
傳真︰2623-9278
電郵︰