一時話要組黨，一時又話唔會做黨魁嘅鄉議局主席劉皇發，近日新聞多多，好似噚日《南華早報》就頭條報道佢同人合股經營公司，間公司嘅大股東有錢銀問題，搞到連發叔都周身蟻。八方老友噚日喺京城見到啱啱見完港澳辦同統戰部嘅發叔，去咗北京前門嘅東來順食涮羊肉，心情睇嚟冇受影響。
發叔話𠵱家件事畀會計師同律師搞緊，佢都唔係點理，但係就話唔係好明，點解近來咁多傳媒「搞」佢，唔知係咪自己話可能組黨，同政治攻擊有關呢？
發叔又話自己去完北京之後唔會即刻返香港，會轉飛湖南玩玩。上北京唔只佢玩得開心，就連鄉議局四十名代表都高興，事關鄉議局即使出車去港澳辦，都有領隊陪同，介紹周圍的風景名勝，十足旅行團一樣。八方老友見過個領隊，聽講重生得好似後生版嘅楊孝華㖭！
（圖）發叔（右）同一眾「團友」戴埋一式一樣嘅領呔。
傳真︰2623-9278
電郵︰