李健仁、張兆輝、米雪、黃日華及譚耀文等前晚到尖沙嘴出席《阿龍的故事》首映，提到近日有關周星馳的緋聞及周星馳表示被屈，星爺好友如花（李健仁之暱稱）前晚聞言道：「你又知佢俾人屈？……係，一定俾人屈，我上網睇過啲相，有疑點。」
如花又謂：「佢習慣同編劇一間房，我以前幫佢編劇都試過同佢一間房，可能今次冇我喺度就出事。」至於雜誌報道指在周星馳房搜到安全套，如花說：「內地邊間房冇避孕套呀？佢開工全神貫注，邊有時間呀？」
此外，張兆輝日前跟隨明星足球隊到鄭州作賽，踢至右腳受傷，張兆輝表示要休息三個月。譚耀文前晚戴了助聽器，他透露有先天性輕度弱聽，他說：「我唔覺得係缺陷，咁可以選擇性聽嘢嘛。」
採訪、攝影：駱華齡