任葆琳前晚衣着性感出席一個內衣騷，她透露剛向拍拖三年的男友胡驊提出分手，二人現處於冷靜期。任葆琳笑稱自己每段感情總不超過三年，敵不過「三年之癢」。
任葆琳前晚在中環麗嘉酒店出席由LingeriePhilosophy舉行的內衣騷，現場除有多位模特兒示範性感內衣外，任葆琳亦穿上性感的corset胸衣出席。
打扮得冶豔非常的任葆琳，前晚表示在家要「左照右照」才敢出門。一向爽快的她，前晚自爆已與拍拖三年的男友胡驊分手，任葆琳說：「我𠵱家講得上係新鮮滾熱辣呀，冇感情包袱，啱啱呢兩日我同男友分咗手。原因唔係有第三者，冇話係邊個提出嘅，主要係我想過吓啲新生活，唔想生活淨係得拍拖同工作。我報讀咗港大一個心理學研究嘅課程，下個月就開學。」
任葆琳續說：「我覺得既然兩個人都冇結婚打算，又唔想好似奉旨拍拖咁，咪試吓分開冷靜吓囉，我啲朋友都笑我係野蠻女友，做我男友都幾慘。話時話我每段感情都唔超過三年嘅，可以話係三年之癢。」不過很快任葆琳又補充說：「𠵱家我同胡驊重維持好朋友嘅關係，話唔定一個禮拜後，我又覺得非君不嫁呢。」
採訪：顏英儀 攝影：林德雄