陳曉東近日推出講人車間感情的國語新歌《PerfectLove》，他表示人車都一樣，喜歡時會甘願受對方傷害，到傷無可傷時，他會選擇放棄。
陳曉東近日推出新國語碟《PerfectLove》，同名新歌以人車間的感情為主題。東東除擁有一輛法拉利外，近日正學騎電單車，更以七萬多元購買最新款的哈利。
東東日前與新歡合照，惜未有電單車牌的他不能騎着愛車出遊。東東接受訪問時透露了他的一套人車論，他謂只要沉迷一樣事物，即使被傷害，都甘心情願，東東說：「只要係我鍾意嘅人或物，即使俾佢傷害，我都願意。好似音樂傷害過我，音樂生涯曾經令我好沮喪，但我依然愛音樂。
「我愛我嘅跑車，但佢成日入廠，等我成日掛住佢，真係好hurt。其實我可以賣咗佢，但我唔會賣住，或者有一日架車炒到不似車形，我就從此唔再買車，我會承認輸咗畀呢個項目。人都一樣。」東東表示人與人的相處貴乎信任，尤其男女間的感情，他說：「有時兩個人曾經互相好信任，到後來是但一方唔再信對方就會好hurt。」
東東暫時未有想追求的目標，他說：「我想搵個我鍾意佢又錫我嘅人，大家可以互相信任，我最抗拒啲小家嘅女仔。」問到再拍拖會否公開甚至在公眾場合拖手，東東說：「自然發生嘅話就發生，我唔打算做騷。」
東東與徐熙媛（大S）合拍《倩女幽魂》後成為好友，日前大S公開表示欲撮合東東與妹妹徐熙娣（小S），東東聞言先是咧嘴而笑，然後表示：「大S畀面啫，我都識得小S，大家都係朋友。」
此外，東東母親日前在紅磡截的士時，突被一輛房車撞倒，送院治理後前日已出院。東東取消數天工作陪媽媽，他昨日在電話中說：「真係無妄之災，我要同佢再去檢查吓，希望冇其他地方撞親。」
採訪：蔡如育 攝影：仇志德
