鄭中基（Ronald）與楊思琦日前不約而同接受一本雜誌訪問，與有型有款的電單車合照，但由於兩人沒有電單車牌，所以未能一嘗駕駛樂趣，但Ronald就自爆他在美國及台灣都試過無牌駕駛電單車。
近日熱愛騎電單車的娛樂圈中人增多，其中鄭中基與楊思琦兩位沒有電單車牌的藝人，都不約而同喜歡上騎電單車的樂趣。近日正忙於為新戲《龍咁威2003》宣傳的Ronald日前接受《電單車》雜誌訪問時，被安排作狀駕駛電單車，其間更自爆多次無牌駕駛的經驗。
Ronald日前接受本報電話訪問時說：「嗰日影相得個睇字，不過都好過冇啦，我好鍾意揸電單車㗎，雖然我識揸，可惜冇牌，所以嗰日冇真係揸到。」Ronald表示因為其家人認為揸電單車很危險，故打消考牌念頭。
Ronald說：「喺美國讀大學嗰陣，因為有同學揸電單車返學，我周不時都叫同學喺停車場教我揸，我係咁意兜咗幾個圈已經好滿足。」Ronald又表示他曾經在台灣試過揸綿羊仔，但他最喜歡的是哈利電單車，因為他看過身形健碩的男士駕駛該款電單車，相當有型。
至於一副嬌嬌女模樣的楊思琦，她在作狀駕駛電單車時，也顯得英姿颯颯，已擁有小型貨車駕駛執照的思琦，原來未試過揸電單車，她說：「如果我有機會揸電單車，我會鍾意綿羊仔，夠可愛嘛。」
撰文：蔡如玉
《電單車》圖片