前全國政協徐四民噚日送別結婚六十多年嘅愛妻郭素蘭，設靈北角殯儀館。以徐老嘅江湖地位，連特首董建華都喺百忙之中抽空致敬，晚上七點幾由特首辦趕到，慰問徐老兼坐咗五分鐘先走。另外到場鞠躬嘅高官有梁愛詩、孫明揚、王永平、林煥光以及羅范椒芬等，李嘉誠父子、何鴻燊、前高官葉劉等都有送花牌。
最感人都要算徐老送畀愛妻嘅花牌，放於靈堂正中，花牌中間由粉紅玫瑰組成心形，外圍襯以潔白嘅百合花，牌上寫上「陪伴一生 相思無期」。
（圖）董建華（左）到靈堂送別郭素蘭時，向徐四民握手慰問。
傳真︰2623-9278
電郵︰