水母海星大白鯊！
年頭出道，6月重組嘅3G，個個剛滿20歲，已經喺《我要做勢》EP中得到滾石力谷。7月喺無線推出嘅新曲《得個講字》，即刻引起網友回響。呢班網上「樂評人」雖則話人唱功點唔得點唔得，但分明已經俾呢幾把甜美女聲同活力吸引！我就同佢哋玩個心理測驗，睇真3G究竟乜頭乜路！
問題：看到一片汪洋，你會聯想到甚麼動物呢？而這種動物又會給你甚麼感覺呢？
Ronnie（雷凱恩）
Suter（梁紫丹）
Rie（呂盈盈）
解答：其實，你揀嘅動物，就代表咗你嘅真性情，睇睇3G嘅答案，了解一下佢哋喇。
Ronnie：我係水母！
「哈哈哈哈！幾準喎！我真係好活躍㗎！」不過有冇水母咁滑手先？俾小記試吓？「嘩！唔得呀！（即縮）」
Suter：吼！我大白鯊好惡㗎！
「（望住答案呆呆哋……）唔係好準喎，我都唔覺自己似……」但記者同攝記都覺得CoolCool哋嘅Suter頗有型格，而且睇番喺沙灘揸住水槍狂射人嘅一幕，準！
Rie：攤喺度唔郁嘅海星！
「吓？唔係啩！不過……都準嘅。」現場所見，病病哋嘅Rie的確較為怕羞，畀啲自信啦，冇人討厭你喎！你是最好的，你知道嗎？