扮靚篇：<br>魔髮紫銅金隨時變色

要做潮人，最緊要跟得上個Trend，來季頭髮興乜色？9月還會是CoolBrown，不過踏入秋天，便改為紫、銅、金等Dramatic、Visible色彩天下。
資深染髮技師Patman認為潮人髮色絕對不可馬虎：「頭髮剪、電得再靚，如果無顏色，只會得個Outshape！如果加點顏色，就會變得有層次和動感，養眼好多！」唔想自己靚髮烏卒卒，何不把握正確DIY染髮技巧，一於令自己潮到上髮根！
記者：李玉蘭
攝影：楊錦文
染髮指導：PatmanLam
化裝：Olivia（SoImage）
ImageGirl：Gigi、Irene、Ice及Jessica（ImagineLtd.）

四個女仔頭髮有長有短有曲有直，長髮的Gigi話：「我通常先買衫和化妝品，最後才打理頭髮，所以頭髮已經成年無染過！」同是長髮的Ice就自己幫頭髮扮靚：「我平均每幾個月做一次，但係頭髮太長，染得唔係咁均勻！」
而短髮的Jessica就另有煩惱：「DIY係好玩，但齋染好悶啫！」都係Irene多計：「你唔知𠵱家可以自己玩埋Highlight咩？其實只要你做好每個步驟，一個鐘頭已經可以做出理想髮色！」

染髮前
■Jessica頭髮粗、厚、黑，Highlight不均勻。

事前準備
1.當然是先選心水髮色啦，若不知理想顏色，可以做個電腦分析，然後再把心水髮色Sample同自己襯一襯，看看是否合Style。

2.染髮48小時前，最好在耳背或手肘內側等位置塗上染髮品，以測試有無過敏反應。

3.圍着髮線搽一圈潤膚膏，可以方便事後清洗。

4.將顯色劑和顏色混和，快速搖勻，折斷樽頂頂口，就可以染髮。若感樽內有微溫屬正常。

1﹒在乾的頭髮上，由頭頂中間開始，一面將染髮劑唧上頭髮根部，一面用手搽勻，最好先染白髮部份。

2﹒如果頭髮太多，可由中間開始，逐部份進行。生手的可以直接用兩手捽勻頭髮！長髮的可以盤高頭髮，以免弄到自己或其他地方。

3﹒一般情況下，搽勻全頭後染30分鐘就啱啱好；多白髮或髮色較深髮質較粗，加5分鐘便已足夠。若不肯定時間是否足夠，可以拉出頭髮在光線下檢查。

4﹒染好後，用溫水沖淨頭髮，用手輕輕推走頭皮上的顏色，再加上護髮素即可。不要使用洗頭水。

玩花臣做Highlight
染好顏色把頭髮沖水後，用毛巾印乾頭髮，將顯色粉和顯色劑混和成糊狀，按心水一一搽在頭髮上。待5至15分鐘，再沖水和加護髮素便可。若想效果更好，可先吹乾頭髮，現出正常髮型後才做Highlight。

注意事項
-頭髮以外的毛髮，如眉毛或睫毛均不宜使用。
-染髮不宜過頻，以四星期或以上進行一次為合。
-每個人的髮質和染髮紀錄有別，效果亦有出入，若是髮質幼、多白髮或未染過的，染髮效果就最準確；相反便會較難上色。
-染髮用品分一至七度，度數愈高代表愈淺色。

鳴謝：L'orealBoutique
地址：銅鑼灣羅素街B60號地下（近波斯富街）
電話：28818330

扮靚篇：魔髮紫銅金隨時變色

扮靚篇：
魔髮紫銅金隨時變色