郭羨妮、佘詩曼及楊思琦等昨日穿上三點式泳衣，於淺水灣拍攝新劇《無名天使3D》。為展美態，郭羨妮以私伙桃紅泳衣亮相，盡顯其突出的身材，而佘詩曼則不吃午餐，避免露出胃腩。
郭羨妮、佘詩曼及楊思琦三位靚女昨日分別穿上泳裝於淺水灣拍攝外景，吸引不少遊客圍觀及爭相拍照。雖然三人同為港姐出身，但其中以郭羨妮的私伙三點式泳衣最為搶鏡，她說：「因為公司嗰件太大唔啱着，呢件係當年選環姐送嘅，媽咪重專登幫我車過中間嘅位置。」問她可有覺自己最搶鏡，她說：「唔係！佢哋都好白淨，keep得好好。」
雖然郭羨妮以桃紅三點式搶盡風頭，但阿佘在三人當中最受遊客歡迎，不時被要求合照及索取簽名，未知是否遊客太多，阿佘不時用長髮遮胸，問她可有感到尷尬，她說：「都幾尷尬！不過劇情需要嘛，今日件泳衣都係公司安排嘅。我重專登唔食晏，只係食咗件蛋糕，因為我怕有胃腩。」問到會否怕比較時，她說：「唔着泳衣就唔會比較咩？咪一樣，總之各有各靚。」
另外，郭羨妮與阿佘昨日表現十分老友，更互搽太陽油，而楊思琦則十分孤獨，問思琦可感被冷落時，她說：「冇呀！郭羨妮都有畀太陽油我，只係先後問題啫。」由於她與阿佘的泳裝都是公司安排，問思琦會否覺得身上的泳裝不及對方搶鏡時，她說：「我自己好滿意，隻色好啱我，都係各有各靚。」
採訪：王崇穎 攝影：何國豪
