實不相瞞，拍攝當日遇着3號風球。朝早天朗氣清曬到嘔，唔夠一陣淺水灣就風起雲湧，捲起大大陣沙霧，兜口兜面冚埋嚟。你知啦！淺水灣啲沙都有番咁上下粗，加上佢哋個個背心熱褲Bikini，每次起風啲沙打上身都真係鬼哭神號。難得佢哋依然玩得開懷，好天就揸住支水槍周圍掃，扯風就放飛碟、落水玩浪同入「子彈」繼續玩。無計，暑假就快完，管它打風落雨，爭取時間玩餐飽至係上策！
記者：陳慧敏
攝影：林栢鈞、楊錦文、陳陶鈞
Model：Mandy、Dicky（RichStratepyGroupLtd.）
做「小露寶」唔係講佢哋嘅身材，而係三個靚女都保守異常，只係肯露少少。Ronnie比較豐滿，但就話入咗娛樂圈，唔敢亂咁Show。「Bikini係就係靚，但始終覺得玩起來會周身唔自在，亦唔敢玩得咁癲，所以泳衣都係要揀返TubeTop同平腳褲款好啲！」Suter又咁講。而Rie就淨係得套黑色Sporty款泳衣，「黑色睇落瘦啲嘛！我都買咗件Bikini㗎，不過，只係用嚟提醒自己要減肥用！」有冇搞錯，浪費晒靚靚陽光同卜卜脆嘅青春活力啦！
講真，市面上TubeTop泳衣已經少見，大部份平腳款又唔係黑色，就係有陣「娘」味，令人卻步，密密實實又要Sell青春活力？都得！配襯得宜好重要，一條Boxer，攞番唔少分！
點睇：現場所見，Ronnie的本錢又的確唔少，着得少無疑好引人注目，不過就有啲乳牛Feel，減弱晒青春味，密實得嚟又令人眼前一亮的配搭就最啱。
配搭法：只露小蠻腰，增加活潑感。
點睇：Rie已經好瘦，着比堅尼小心走光，而且黑色太老氣，唔啱形象。
配搭法：穩陣型比堅尼，倒立都唔走光。
夏威夷高VTop，胸前嘅布交叠，後面綁帶所以非常貼身，點郁都冇問題。$340（c）
花碌碌Boxer，同上身呼應，重好有活力好搶眼！$400（b）
點睇：去沙灘都搞到好認真做運動咁，真係好鬼悶，不如加條有花花點綴嘅平腳褲，密實得嚟又可愛啲。
配搭法：花花點綴，減低剛陽氣。
其實除咗着背心款泳衣防走光外，去年日本開始大熱嘅高VBikini都非常安全，遮住高危嘅罅位，重可以令「少少哋」嘅妳睇落更豐滿。
店舖資料
a）Roxy 銅鑼灣白沙道10號2F（28360783）
b）X-Game 銅鑼灣白沙道11號1F（28818960）
c）running.bare 中環雲咸街32號雲咸大厦地下1號（25260620）
d）頌雅絲襪有限公司 旺角嘉樂商場G53號（27803813）