謝霆鋒出身自演藝世家,小時候家教甚嚴,其母狄波拉不時施以體罰,以牌尺打愛兒屁股。霆鋒更曾因問朋友借錢買雪條,令父親謝賢一怒下踢他入廁所。
謝霆鋒小時候雖不算頑皮,但家教甚嚴,其母狄波拉專責教仔,且招式甚絕。霆鋒日前在電話中表示,妹妹謝婷婷有次因說謊,拉姑竟在她臉上寫上「我今日講大話」,再捉她遊街,令婷婷以後也不敢說謊。
霆鋒說:「我阿媽有時都幾絕,佢本身係孤兒,所以佢希望教好我哋,佢有佢一套,但我基本上都接受佢嗰套教育方法。我細個時,阿媽都會打我㗎,佢會用牌尺打我屁股,牌尺用雲石做㗎,佢試過打到斷,然後用橡筋紮住另一個牌尺,打孖上嚟打。」
反而父親謝賢只打過霆鋒一次,那次霆鋒問朋友借錢買雪條,回家時被父親發現,霆鋒說:「因為阿爸眼見佢有好多朋友為借錢而出事,佢唔想我養成借錢習慣,所以佢就一腳伸埋嚟,伸咗我入廁所,但佢已經就住㗎啦。」
霆鋒和婷婷年齡僅相差兩歲,兩兄妹少不免吵鬧。有次他們吵架後,拉姑當着婷婷面前,用牌尺打霆鋒屁股五十大板,拉姑還叫婷婷從旁數着打了多少下,霆鋒說:「我俾阿媽打到第十下時,阿妹已經開始喊,打到第二十二下,屋企電話響,阿媽出去聽電話,返嚟之後,佢問阿妹打到第幾下,阿妹話唔記得咗,阿媽話咁重頭嚟過啦,阿妹就叫媽咪唔好打。」
儘管經常吵架,但兩兄妹感情甚佳,霆鋒說:「嗰時喺加拿大讀書,會有種族歧視,中國人會俾人恰,有次阿妹俾個外國小朋友恰,於是我就同個小朋友嗌交,後尾我哋喺一場踢波賽事度贏咗,我同嗰個小朋友就變得好friend。」
採訪:朱芷瑩