關之琳早前接受女性雜誌訪問，她坦承毫不留戀五光十色的娛樂圈，如果可以再選擇，她希望能從事有關扮靚的工作，或是當個小秘書。她在訪問中說：「拍咗咁多年戲，頭十年我都係一邊拍一邊唔開心，整整十年後先至發現拍戲嘅樂趣。」
關之琳登上最新一期《瑪利嘉兒》封面，穿上一系列Chanel黑白新裝示人的之之，盡顯高貴美態。在雜誌的專訪中，之之比從前更開朗和健談，以往只答「是但」、「唔知」的她，今次竟搶着說話，之之說：「我要搶回發言權。」
紅透娛樂圈多年的之之坦言對五光十色的娛圈毫不戀棧，她說：「我本身係個害羞嘅人，對獎項、名利更加唔係太重視，所以重新畀我揀過，我希望可以從事扮靚美容工作，或者做個小秘書都可以。拍咗咁多年戲，頭十年我都係一邊拍一邊唔開心，整整十年後先至發現拍戲嘅樂趣。」
但之之亦不諱言上天對她實在不薄，在娛樂圈工作多年，上半生的積蓄，已足夠令她下半生可以悠閒地生活，她說：「所以𠵱家我可以隨喜好而接工作，𠵱家啲工作都唔係太需要見人，好似拍廣告、擔任代言人咁。」在圈中多年，之之表示交心的朋友不多，有些朋友外間以為與她很稔熟，其實都只不過是工作夥伴。
在私生活或工作方面，之之娓娓道出心中數個最佳男士，最佳傾訴對象方面，之之表示懷念張國榮，她說：「我第一次喺電視台拍劇，就係同哥哥合作，大家識於微時，比較多話題。而華仔（指劉德華）就係最佳兄長，拍戲嘅時候佢好會照顧人，發仔（指周潤發）就係最佳丈夫，以前拍戲，佢會煮早餐畀大家食。」