陳冠希（Edison）的緋聞女友陳文媛（BoBo）和鍾欣桐（阿嬌）前晚在首映中狹路相逢，兩人一直沒有交談。BoBo戴了一條有「E」字的鎖型頸鏈，未知是否要鎖住Edison的心，或是乘機向阿嬌示威？
劉偉強有份發行的新片《非常小特務3D立體出擊》前晚在灣仔會展舉行首映禮，有份為該片配音的陳文媛、Twins的鍾欣桐和蔡卓妍（阿Sa）、余文樂、吳鎮宇和鄧肇欣等現身撐場。
陳冠希現任緋聞女友BoBo接受訪問時，被記者發現她戴了一條鎖型吊墜頸鏈，吊墜上刻有一個「E」字，記者笑問她是否想鎖住男友Edison，或要向情敵示威？BoBo甜笑否認說：「乜嘢呀？呢條係Undercover字母系列頸鏈，原本我想買條『B』字嘅，但係冇貨，咁只係得條『E』字，咪買咗呢條囉！」
Edison的過氣緋聞女友阿嬌與BoBo同場出現，而阿嬌的過氣緋聞男友樂仔又在現場，阿嬌說：「我知佢哋喺度，咁我咪要同佢sayhi！雖然我同佢哋同時為呢部戲配音，但係各自各喺一間房度配音，根本冇撞過！」
首映開始前，三個緋聞男女和其他嘉賓上台時，阿嬌有偷望樂仔，但樂仔看見阿嬌行近他身邊時，卻刻意擰歪面，又望向另一方向，表情尷尬。
此外，前晚見吳鎮宇的右耳背貼上一塊膠布，原來他早前入醫院接受小手術，他說：「早兩日老婆陪我入院做割除右耳兩粒粉瘤嘅手術，傷口縫咗五針，住咗一晚就搞掂。」
採訪：汪正文
攝影：何國豪
