不知不覺間，鈞仔離開塵世已有四個月，單親媽媽嚴女士的情緒亦逐漸平復下來。「𠵱家都唔想諗太多，只係想叠埋心水湊大個女，兩母女好好咁生活。」嚴女士心平氣靜地說。
四十歲的嚴女士，一直走着一條艱苦的單親路，丈夫捨她而去，她要獨力照顧兩名子女，其中十四歲長子鈞仔更患有嚴重弱能兼智障。雖然生活艱難，但嚴女士卻無怨無悔，為着一對子女，她咬緊牙關度日。奈何今年四月中旬，鈞仔突然在睡夢中離世，依靠綜援金生活的嚴女士，在飽受喪子之痛的同時，亦要為殮葬費操心。蘋果基金有見其困境，曾於「殮葬專戶」撥款二萬元予她辦理亡兒的後事。
記者日前再度聯絡上嚴女士，了解她的近況。她表示：「鈞仔嘅後事已經搞掂晒，佢嘅骨灰𠵱家放咗喺屯門青松觀，同佢婆婆喺埋一齊，好多謝你哋嘅關心同幫助。」此外，蘋果基金近日另將一筆讀者捐款合共七千一百元轉交予嚴女士。她感激之餘，並透露打算運用善款作為女兒的教學用途。
「囡囡今年升小四，功課愈嚟愈深，我自己又唔識教，所以好想畀佢報讀補習班；不過，以我哋屋企嘅環境，單靠自己嘅能力，根本就負擔唔到，𠵱家好彩有呢筆捐款幫輕吓，多謝晒。」嚴女士衷心地說。 捐款編號：C0918
暖流熱線
電話:29908688
傳真:23702192
電郵:
網址：