名牌公子潘廸生間上市公司廸生創建，相信唔使八方介紹大家都識啦，但八方噚日喺廸生股東會見到名牌潘，佢先至公開一個小秘密，就係佢喺公司上市以來，一直都冇攞過公司人工喎！不過，大家可能會講，誠哥都係年年收取五千元袍金啫，唔收人工收股息咪一樣，但名牌潘今次承認，舊年公司多咗兩個收取年薪逾七百萬嘅董事，其中一個係佢。
八方即時聯想到，點解忽然要公司支薪畀佢呢？名牌潘解釋，舊年有位基金經理同佢講：「你花咁多精神喺廸生創建身上，都係收番人工比較適合啲。」因此佢舊年先開始收人工。但名牌潘始終都唔肯講，收最高人工嘅董事係唔係佢。其實，唔係佢又係邊個呢？
傳真︰2623-9278
電郵︰