上年，Aunties扮Cookies威名遠播，獨攬校園Show，做MP3代言人，出EP，作曲、填詞，拍MV都一手包辦，風頭一時無兩！最近，兩次約他們影相也不齊人，耍大牌？非也，只是打工賺學費！感激他們仍百忙中抽空出來，在攝氏三十幾度嘅夏夜下，滿頭大汗，親自測試幾款最流行的DV機，用專業意見分析各部機的優劣點，連我這個機器白癡也聽得頭頭是道，心中不禁寫了十萬個「服」字！
記者：梁佩芬 攝影：陳智良、林栢鈞
化妝及髮型：Umovie.net 鳴謝：海洋公園、海港城
怪樣百出
只剩六個嘅Aunties成員一樣咁鬼馬，尤其當你做到又熱又口渴，眼光光開始諗唔到嘢嘅時候，就失驚無神喺你面前搞嘢，無他嘅，見你悶悶哋，發緊夢，做啲古靈精怪嘅表情逗你開心囉！
鏡頭前Aunties個個笑到你爆肚，原來全靠佢喺背後搞嘢！步飛，Umovie創辦人，所有Aunties的MV、Movie都是由他創作及拍攝，有N年玩DV經驗，常常與一班志同道合的「機民」四出試最新DV，行吓影音舖，強項是一拎部機上手，搞兩搞，就能道出此機的優劣點，非常專業！今日就梗係要佢醒你兩嘢啦！
SONYDCR-TRV22夜景最強
佢哋攞住嘅，係推出約半年、SONY牌子中最平DV之一嘅DCR-TRV22。獨有全黑夜視功能，可在全無燈光下拍攝，猶如戰地攝影機一樣，出現淺綠色的畫面，幾得意。加上可調校快門，光圈大了吸光力強得多，拍有動感的Movie最啱。
缺點：TouchScreen控制拍攝，即是一定要長開LCD，咁好容易會無電，而且，用慣按掣式DV，會比較難控制TouchScreen的操作。
大力推介
以得一個手掌大的Size計，此機算是最細型又有齊最高功能的DV，而Panasonic亦是步飛最喜歡的牌子，貪其大廠質素有保證，加上不是常常推出DV，比較矜貴，亦不會有大幅度跌價，值得投資。擁有3CCD（即高解像度），拍攝質素媲美大型DV，如果想學專業拍攝的人，應該買這部。
缺點：為了遷就超薄機身，電的容量也少了，細電只可用一小時，大電好少少，唔開LCD都用到3小時，但都係太食電！
全黑色，暫時只得這一部，不過機身設計就十年如一日，有點兒笨。JVC的拍攝掣鍵出名Fit手位，冇乜多餘掣，真係唔睇Menu都會識得用！推出大半年，屬於中價貨，多數是第一次買DV者的首選。
缺點：解像度不好，如果Zoom得太快，畫面可能會有細格出現，質素一般。同時，與Panasonic一樣，電的容量太小，薄電只可用一小時，如加厚電可捱到三小時，但就影響了輕巧的外形！
唔啱女人
步飛一見部機嘅Size就大叫：「JVC好大膽，居然放棄細機的潮流，為了加大個LCD，令機身比同Grade的DV大成三分一，不過，鍾意大LCD的人，一定係揀呢部！」這部機鏡頭的圓周大，可以大量吸光，即拍出來的影像好有「現場Feel」。
缺點：扶手位分兩層，手掌要放在兩個墊的中間，毋須直接握住部機，初初用不習慣，成日以為會跌機落地，心理負擔較重！另外，機身大又重，不太適合女士！
通常，你入到舖頭，扮晒乜都識，Sales一定係推介部Sharp畀你，因價錢平，又有齊所有基本配備，推銷部機都容易啲，而且一講係「聲寶」，就個個都知係傳統出DV嘅牌子，算是信心保證！特別係呢架機嘅扶手位可以270度轉向，拍攝刁鑽角度都冇咁辛苦。
缺點：無得插咪，只是用機身的咪收音，如嫌太細聲或質素唔好，都無得救。
店舖資料
a.華仁會
地址：旺角花園街75-77號6樓
電話：23980280
b.捷德影音有限公司
地址：尖沙嘴海洋中心Shop303
電話：27350005
c.中原電器行有限公司
地址：尖沙嘴海洋中心Shop308
電話：27368323
Aunties八名成員，年紀輕輕就咁識「玩嘢」？其實都有賴龐大後台，之唔係Aunties嘅原祖——Umovie！每次出Show，做訪問，拍MV甚至拍廣告，Umovie都包攬所有台前幕後工作，絕非柴娃娃，據Lock透露，現在佢哋ICQ，Add咗嘅會員有百五、六人，未Add還有成六、七十人，真係個個排住隊入Umovie，一齊玩盡拍嘢樂趣！如果你都有興趣參與佢哋嘅工作，不妨去去
上年扮偶像Cookies，模仿在沙灘拍MV，只是用了一日時間就完成拍攝。結果全人類笑爆嘴，一扮成名！
今年，簽了唱片公司，剛剛推出一張EP，亦有了第一首由Aunties原創的歌曲，不再是唱口水歌，但仍打正旗號「扮晒嘢」，也是他們的絕招，先唔理歌詞，睇睇其自製MV，可謂物盡其用，將所有扮嘢天份發揮得淋漓盡致！如果你現在去旺角暴Shop（連自己生意都有！）買佢哋嘅EP，還有親筆簽名！
暴Shop
地址：旺角兆萬中心Shop101
電話：30777077
