一直傳話行會成員廖長城會接詩姐棒做律政司司長，果真如是，睇怕未來司長就要學吓點同傳媒打交道。
廖長城呢幾日帶隊上京面聖，做團長嘅佢當然係記者採訪對象，之不過佢似乎唔多願見人，行家打上酒店房都搵佢唔到。
噚日朝見完港澳辦，記者問佢幾句，佢又滾水淥腳趕住走去酒店樓下飲咖啡。成班記者繼續圍住佢追問，最後佢老人家竟然懇求記者畀佢繼續飲咖啡，話如果記者再係咁打上酒店房搵佢，佢就會崩潰喎！為咗唔想未來司長崩潰，大家惟有即閃。
至於喺福州嘅唐英年，飲宴時俾人敬咗幾杯中國土產白酒，即刻飲唔慣投晒降，重話夜晚連覺都瞓唔好㖭。
（圖）廖長城（右）話記者阻住佢歎咖啡，會搞到佢崩潰喎。 本報記者北京傳真
傳真︰2623-9278
電郵︰