陶大宇昨日在工作中度過四十歲生日，劇中演員送上蛋糕祝賀，郭可盈和楊思琦還即場送上香吻，證明大宇的一哥地位仍受重視。對於陳錦鴻十月重返無綫，大宇則恭喜他有工開！
昨日四十歲生日的陶大宇，返將軍澳電視廣播城拍攝新劇《青出於藍》，監製梅小青知道大宇生日，特別在拍攝期間安排生日蛋糕，郭可盈和楊思琦更送上香吻，但思琦只作狀送吻，並一臉尷尬，思琦說：「我好戥大宇生日開心，但我同佢未係咁熟，所以有啲尷尬。」
陳錦鴻已決定十月重返無綫，湊巧大宇亦是剛回巢，二人似乎又要再爭一哥地位，大宇說：「恭喜佢，人人有工開我都開心。」問大宇可覺得出外闖過一番後，還是覺得無綫最好？大宇即說：「呢樣我就唔知！」至於再有競爭對象，歐陽震華笑說：「佢嘅競爭對手係啲後生仔啫！」
另外，大宇的太太黃慧寶前晚特別在灣仔君悅酒店，為夫婿開生日派對，宴請多位好友包括蘇永康、林韋辰、魏駿傑和歐陽震華夫婦等吃自助餐。
前晚大宇與眾好友吃自助餐後，便去了卡拉OK狂歡至凌晨三時才回家，大宇前晚說：「我嘅生日願望係身體健康、搵多啲錢，唔使老婆咁辛苦。」
蘇永康贈送了一條LV領呔給大宇，康仔說：「我同佢識咗咁多年，佢最成功嘅電視劇都係着西裝打呔，𠵱家佢返無綫，我都想佢風雲再起，所以條呔係有寓意㗎！」林韋辰和魏駿傑則分別送了太陽眼鏡和羽毛球拍給大宇。
採訪、攝影：卓寶花、甄朝健
