今時今日睇電視梗係要睇Plasma至夠豪啦，𠵱家全世界最大嘅Plasma大電視有成六十三吋咁大，每部只係賣十六萬，好多內地豪客都買得起，不過香港都有個大豪客一次過買咗六十八部，計起條數要成千一萬元。
呢位大豪客原來係地鐵公司，啲大電視已經裝喺十三個地鐵站月台用嚟播廣告，各位買唔起嘅都可以落地鐵站睇吓，地鐵咁大手筆，廣告一定係豬籠入水啦，地鐵業務拓展經理伍翠樂話，根據旅遊發展局嘅統計，原來六成內地遊客喺香港都會搭地鐵，所以好多商戶都要喺地鐵站賣廣告，尤其係金舖同電器，搞到近期廣告位差唔多爆晒。
傳真︰2623-9278
電郵︰