唔知心水清嘅車迷，會否留意到過往各大汽車代理，大多數響年尾，約在10月過後，才會有減價清存貨嘅行動；然而，今年踏入八月過後，經已有唔少汽車代理商，提前清貨減價行動呢！雖然有部份車行看來，係因為銷路唔好，又或者因與同級對手較量，只好用優惠車價作招徠。之不過，最近就有資深嘅車壇前輩同亞Mark講，話早前3月嘅SARS疫潮，確實對本地車市有莫大衝擊，唔少車行響3、4間嘅銷量直線下滑，因而積存咗唔少存貨關係，加上傳聞SARS有機會響10月間再襲香港嘅緣故，故此唔少代理商為減低風險，唔想積存有隔年貨嘅理由，因而作出明智嘅決定，不如提前清貨重要來得安心喎！亞Mark對此亦不想有任何揣測，但就希望每位香港人都能夠注重個人衞生，除咗小病初起要盡快睇醫生外，遇有感冒時重要記得戴番個口罩至好出街呀！