法國雷諾汽車嘅Megane車系，喺嚟緊九月又會有新成員加入；而呢位新成員，就係走SportsWagon路線，兼且實用性甚高嘅MeganeSportTourer喇！
全新雷諾MeganeSportTourer造型與其他Megane車系相近，尤其係車首設計，就最能夠將呢個特點展露出來；而且由於改用上SportsWagon設計，故此尾廂空間會來得更見充裕，擺放多件行李亦見方便容易。車廂設備配搭又見齊全易用，而且更會隨不同版本而有所分別，另外當遇有需要時，後排座椅更可按需要收摺放平，以增加尾廂載物容量呢！廠方亦為顧及不同用家需要，特別提供分別為1.4公升（馬力98匹）、1.6公升（馬力115匹）及2.0公升（馬力136匹）引擎作選擇，當然唔少得重有經過強化嘅車架結構及多個安全氣袋配搭，以增強對車上乘客嘅保護啦！未知香港代理方面，何時會將之引入呢？