曾任消費者委員會同平等機會委員會主席嘅胡紅玉，一向畀人一個較接近民主派嘅印象，佢做公職期間得到嘅評價相當高，形象都好親民。但自從冇做平機會主席後，胡紅玉明顯較低調……直至噚日為止，因為由李嘉誠同周凱旋做大股東嘅tom集團宣布，委任胡紅玉為獨立非執行董事，並成為tom審核委員會嘅新成員，即時生效。
八方未有機會搵到胡紅玉，問吓佢同tom仔何時建立起關係，但胡本身為執業律師，擁有豐富法律工作經驗，並專長於知識產權事務，可能係佢嘅專業背景，引起tom嘅注視啩。事實上，tom喺新聞稿內亦指出，胡紅玉嘅豐富經驗同獨有專長，對於tom作為一家業務多元化、迅速發展嘅媒體嚟講，尤為重要。以往，有傳周小姐對tom嘅發展方針有好大影響，唔知今次委任胡律師，周小姐有冇提供意見呢？
有人話，胡律師任職消委會主席時曾經抨擊超市壟斷，間接可以話同和黃交過手，今次唔知算唔算化敵為友呢？
傳真︰2623-9278
電郵︰