前基本法委員會委員譚惠珠，噚日以環保團體「綠的歡欣」主席名義出席置地嘅植樹典禮，噚日早上重掛住三號風球，大雨滂沱，去到「淋樹」嘅儀式時，個個都講笑話：「都唔使淋花啦吓話？」
儀式完成後，珠姐即刻被一眾記者包到實，八方同佢都搞到成身濕晒。佢講起23條時，話𠵱家出唔出白紙草案都唔係問題，最緊要係多啲時間諮詢公眾，同埋向市民清楚交代內容。
特首夫人董太「名譽顧問」銜頭之多係人都知，呢個「綠的歡欣」係一眾政府高官為響應特首董建華綠化計劃而成立嘅，董太幾大雨都要蒲吓頭啦。不過佢呢排就繼續玩低調，種完樹就由保鑣擔傘護送走人。
傳真︰2623-9278
電郵︰