二人組合Twins昨日到商台接受訪問，她們分別帶了一名中學同學一起做訪問。問Twins怕不怕被同學「爆大鑊」，蔡卓研（阿Sa）說：「我又唔係好驚，都冇乜好爆，而且我都信得過我同學，佢講嘢會有分寸嘅。」鍾欣桐（阿嬌）則笑言：「我就有啲驚，因為我同學語言能力較差。」
此外，最近有報道指Twins與Cookies出席同一活動時，她們的歌迷與Cookies的歌迷打交，其後Cookies又透露其實是Twins的歌迷內訌，問到Twins是否真有其事？她們說：「我哋唔清楚，亦唔信歌迷會咁樣。」
Twins於九月五日推出新碟，同日又會推出電影《千機變》VCD加DVD，問她們會否擔心自己打自己？她們即說：「唔怕，都唔同種類嘅。」