前政務司司長陳方安生同鄭裕玲（嘟嘟）噚日出現赤鱲角機場，佢哋呢次係應聯合國兒童基金會嘅邀請，一齊去老撾探訪嗰度嘅小朋友。佢哋噚日喺機場得到國泰派出兩名空姐陪伴照顧。
八方見到陳太同嘟嘟都精神奕奕咁出現，佢哋異口同聲話已經準備好行裝，當呢兩位靚人現身，八方發覺好似陳太因為成日笑到四萬咁口，所以尤其受到機場嘅巿民歡迎。
佢哋呢個行程長六日，主要係去了解老撾小朋友生活嘅情況。陳太話：「我呢次都帶咗一啲英文書去睇。」陳太重同八方推介其中一本叫《Paradise&Power》。
何永寧攝
（圖）陳太（左）拎住個名牌手袋，同嘟嘟（左二）出發去老撾探訪嗰度嘅小朋友。
傳真︰2623-9278
電郵︰