雲集至勁新產品的Toycon2003才結束，又見鄧健泓（Patrick）於旺角玩具店附近出沒，一直頭DupDup，怕被人認出的他，一入到玩具店就即刻精神晒，抬頭第一句是：「有咩新嘢出呀？」搞乜需索咁頻密？原來他遷都西貢，一心要建立玩具國，各色「國民」當然唔少得！
坐擁近千隻12吋Figure的Patrick，不會像資深Figure玩手一樣，將Figure拆開改裝，變得獨一無二，他說是因為「層次未到」，實則卻是：「我唔捨得㗎，要剪爛佢件衫喎！見到佢支離破碎好慘呀！」好一個原汁原味的Figure癡！
記者：陳慧敏 攝影：陳盛臣
Hair：Yan MakeUp：Anges
場地：超人玩具（23662688）
要在近千「國民」中突圍而出，全因「國王」個人喜好。
特別版限量100個中，只有10個是Threezero設計者峰哥的真人樣，混在普通版中一起賣，要買都要靠彩數！峰哥還打算做個PatrickFigure，準備在峰哥新舖開張時推出！Patrick，你好威呀！
18cm超合金魂《EVA》二號機，有返貨五日去貨200盒的佳績！Patrick：「一早已經買咗初號機，鍾意佢身形夠瘦夠靚，儲齊一套擺埋一齊好鬼型！」
同場Patrick遇上不少Fans，這位BBC就面紅紅地說：「我都係玩毛公仔或者扭蛋多，超合金唔係好識！不過我好鍾意Patrick啲歌，尤其係《心寒》！」
Brothersrobber
由峰哥跟「鐵人兄弟」合作的Brothersrobber，黑色絨褸特別版同彩色普通版都在Toycon2003中瞬即售罄，不過Patrick早就落咗訂，Brothersrobber肯定會成為「玩具王國」新國民。遲些會再推出普通版，售$1,380。
