三個唔同政黨嘅立法會議員一齊去超市買餸，究竟搞邊科？原來前綫何秀蘭、民主黨李華明同港進聯鄧兆棠，噚日應綠色和平嘅要求，向市民示範點用佢哋製作嘅小冊子《如何避免基因改造食物指南2003》嚟買嘢食。
佢哋跟住本指南買咗麵包、即食麵同飲品。何秀蘭畀完錢亦不忘話吓政府，議員要求政府強制食物製品公司做基因標籤，咁多年都搞唔成，不如靠市民用消費者嘅力量，杯葛仍用基因改造原料嘅公司重好。
小冊子重列出承諾唔用基因改造原料嘅食品品牌，包括藍罐、M&M’s同公仔麵，但唔肯作出承諾嘅就有雀巢、卡樂B同四洲等。小冊子可以喺各大書局攞到，九月二十六日出版嘅《飲食男女》都會隨書附送。
（圖）（左起）鄧兆棠、何秀蘭、李華明齊齊到超市買非基因食品。
傳真︰2623-9278
電郵︰