古天樂近年片約不斷，久未放假，他昨日親口向本報證實將於年底暫別娛樂圈三個月，到外地深造及充電，古仔拍畢手頭上的新戲《豪情》及中國星稍後開拍的賀歲片《柔道龍虎榜》之後，就會起程離港。
古天樂本已接拍中國星的賀歲電影《柔道龍虎榜》，但近日有消息傳出，指古仔將暫別娛樂圈半年，到美國紐約修讀演藝課程，他日前已向中國星推辭該片片約，昨日本報記者聯絡到古仔，他親口證實會到外國深造，但時間並非半年，他只會去修讀三個月的課程，但將會在拍畢《柔》片才會起程。
其實古仔早已口頭知會經理人無綫方面，而無綫亦沒有反對他的決定，擁有古仔多部電影片約的中國星公司，原則上亦已同意。古仔昨日接受電話訪問時說：「其實幾個月前我已經有呢個想法，係因為我覺得自己嘅演技未夠，尤其同好多前輩演員合作嘅時候，更加覺得自己有好多不足之處。再加上近年我嘅片約一部接一部都未停過，個人好攰，透支得好緊要，都係時候停一停充吓電，初步我想讀啲三個月嘅課程先，睇下自己適唔適應到，其實我同中國星有合約，都唔可以離開咁耐，如果係好嘅，將來我會再抽時間繼續讀。」
古仔近日正拍攝新戲《豪情》，無綫方面預計古仔拍畢《豪》片再拍完《柔道龍虎榜》後才會暫別，時間約在十一月左右，其他工作則將會押後或取消。
而古仔的唱片合約年前簽予MusicNation，他與唱片公司亦已取得共識，下張唱片預計在明年，待他深造返港後才會灌錄。古仔補充說：「我修讀演藝訓練課程有三個地方有興趣去，分別係北京、法國同紐約，但𠵱家未決定去邊好。」
採訪：陳月媚