呢邊廂，幾家代理權明年花落誰家仍未有定案，想唔到一直被視為三線車嘅韓國現代（Hyundai），明年代理權誰屬卻呼之欲出；據聞，早前仁孚行經已跟廠方有初步協定，亞Mark打探得知，現代車廠嘅有關代表，重會響今個星期到港，跟新代理商洽談最後細節，以及新、舊代理有關汽車同零件嘅交接問題㖭！亞Mark一直支持代理權非壟斷化，好等車迷有更多新車和合理車價嘛！相信日後現代汽車響仁孚行嘅經營下，會有一番新景象呢！聽聞新代理商重已經響柴灣，物色到合意嘅維修中心，始終平治跟現代分家，會對班用家日後返廠做Service都好啲嘛！