立法會正值休會期，香港青年協會青年領袖發展中心噚日就喺立法會舉辦咗一個「青年立法會──議員訓練證書課程」，畀六十幾個預科及大專同學，體驗吓立法會會議嘅實況。
成個會議都模仿立法會議事程序進行，有議員質詢時間、又有議員動議部份。咪睇小呢班年輕新一代，扮起高官同議員都似模似樣，扮高官嘅同學重識「將個波交畀其他人」，郁吓又話有諮詢專家意見等高官慣用伎倆，八方差啲以為聽緊真正立法會會議。
立法會內務委員會副主席李華明噚日義務擔任呢個青年立法會主席，喺會議後佢當然要畀啲意見班同學，佢覺得最難得嘅係，班同學肯自己搵料預備講稿，佢話自己平時啲講稿唔少靠議員助理，辯論到起火時先至靠自己。
傳真︰2623-9278
電郵︰