梁詠琪（GiGi）昨日一身和服look，在尖沙嘴主持一產品陳列室開幕儀式，吸引半百記者和市民到場。由於現場環境狹窄，人群又多，GiGi主持醒獅點睛及遙控氫氣飛船儀式後，被身旁不停舞動的醒獅，嚇至花容失色。
記者其後問GiGi是否覺得安排失當？她說：「頭先好彩我生得高，唔係助手都搵唔到。間公關公司有問題，要我哋補鑊。我哋第一次合作，佢哋經驗淺，今次畀佢哋好好一次經驗。」
此外，GiGi今次續約一年任相機品牌Olympus的代言人，可獲相機一部。而男友鄭伊健則為另一相機品牌佳能的代言人，二人偏偏要打對台，問到GiGi會否與伊健共用相機？GiGi說：「我會自己用，或者畀家人用，我同佢會各有各用，大家各有各好啦。」
採訪、攝影：汪正文