繼陶大宇重返無綫後，離開無綫整整三年的陳錦鴻，最近亦終於一償心願，於十月重投無綫懷抱，並隨即為一部時裝劇擔大旗。對於即將與女友杜雯惠拉埋天窗的錦鴻來說，可算是愛情事業兩得意。
離開TVB無綫出外闖的小生，近年陸續「歸位」，重投無綫懷抱，繼張家輝及陶大宇後，本報接獲消息，指陳錦鴻將重返無綫效力。由於錦鴻離開無綫三年期間，已多次傳出想重返無綫，故今次他成功回巢，可算一償心願。記者昨日致電無綫戲劇分部助理總監梁家樹求證，他承認錦鴻十月重返無綫效力，並接拍監製關永忠的時裝劇集。
對於重投無綫懷抱，錦鴻顯得十分雀躍，他昨日在電話中說：「我唔知講唔講得住喎！應該係十月啩！」記者問他當年離開無綫決意出外闖，何以短短三年時間便回巢？錦鴻說：「香港有邊個傳媒好似無綫咁，有咁大市場？唔單止去到內地、泰國同澳洲，甚至連歐洲同美加都有市場喎！而且TVB嚟緊重有收費電視，佢哋製作量會愈嚟愈多，自然就需要更多人手，咁對我哋演員發展有好大幫助。」
那麼錦鴻有否後悔曾離開無綫？他說：「咁又冇！當年我一來為咗搵一嚿錢買樓，二來係想見識吓外面世界，先至決定離開TVB，咁見識過之後咪返去囉！不過𠵱家TVB好多導演都唔同咗，我要花時間去認識佢哋，同樣佢哋又需要花啲時間去了解吓我。」
早前錦鴻被傳媒拍下赤腳行街的照片，因而一度傳出他精神有問題，未知錦鴻有否擔心過上述傳言會影響他未來的工作？他說：「自己講乜都冇用，因為點都有人寫㗎啦，所以我係唔會理呢啲嘢。」
採訪：戴彩煥
