近日《壹週刊》圖文並茂報道了周星馳在上海的緋聞，前日周星馳為此正式入稟告《壹週刊》，昨日他主動致電本報說：「呢排我好受呢件事困擾，所以我要求個公道，我要求《壹週刊》回應我三個訴求，解釋點解冇登阿昌（編劇曾謹昌）同個女一齊入房嘅相；第二，明知套房有兩間房，點可以肯定個女仔嚟搵我；第三，點解唔搵個女仔訪問。」
星爺續說：「如果《壹週刊》有合理回應，冇強詞奪理或迴避呢個話題，我不但取消官司，重會捐一千萬畀壹傳媒，否則我就要追究到底，誓要取回公道。」
而《壹週刊》副總編輯李先生昨日在電話中表示不會就此事作出任何回應。
此外，莫文蔚昨日出席灣仔會展的「香港狗會狗展」，對於周星馳在上海的緋聞，她說：「我冇睇報道，新聞寫啫，寫得過份，勞氣都啱嘅，佢拍戲好認真，連瞓覺都諗住拍戲啲嘢，冇時間去做其他嘢。」
採訪：陳月媚、顏英儀
攝影：顏英儀