古天樂（古仔）昨日在將軍澳出席活動時，和一班年輕男女組成的啦啦隊員一齊表演，其間古仔更將一個身材豐滿的女隊員舉起，雖然古仔順利完成如此高難度動作，不過就尷尬得滿臉通紅。
古天樂昨日出席在將軍澳新都城舉行的「新都城中心古天樂動感之旅」活動，古仔除了唱歌，又和觀眾玩遊戲外，還被邀請和一隊由十二位青年男女組成、來自澳洲的校園啦啦隊合作表演。
古仔在表演時除拿起花球露兩手外，還將其中一個女隊員舉起，只見古仔兩手扶着該名女隊員的腰，之後便把對方舉起，但他完成該表演動作之後，就顯得有點尷尬。
古仔事後說：「事前我只係知道會攞住花球做幾吓動作，估唔到要我抬起個女仔，好彩抬起佢嗰時，佢自己都用力托一托，都算好輕鬆，自己平時都有玩吓掌上壓同舉重，都重應付到。」
不過古仔在表演完後，又被要求試玩室內風帆、踢波等遊戲，接着更要立刻唱歌，雖然有點吃力，但他仍堅持要作現場演唱，古仔說：「之前我用咗啲時間練歌，練咗咁耐，唔想放棄。」
此外，古仔表示目前正忙於拍攝新片《豪情》，為配合不同市場需要，會有三個不同版本，香港會有兩個版本，分別是三級及IIB級，至於另一個無性愛場面版是為內地市場而拍，所以好多場戲都要拍攝三次之多。
採訪、攝影：魯萍
