唔知係咪英國《金融時報》睇準中文資訊嘅需求好大，原來佢哋早於六月開始，已經搞咗個中文網站，叫「FT全球經濟報道」（網址為zhongwei.ft.com），將經濟重要新聞以簡體字版本上網，雖然時間性稍嫌不足，但文章頗有深度，值得一看。
八方噚日收到摩根士丹利嘅新聞稿，話本周開始，該公司會向上述《金融時報》中文網站提供贊助，並將該網站與大摩本身嘅中文網站morganstanleychina.com連結起來，結合雙方嘅資訊，冀為中國讀者提供最大協同效益。八方獲悉，《金融時報》計劃於秋季推出一份針對亞洲市場嘅《金融時報》亞洲版及FT.com網站，若真的推出，相信《亞洲華爾街日報》會受到好大嘅威脅，最後得益嘅咪係香港讀者囉。
傳真︰2623-9278
電郵︰