別想錯隔籬，有幸同Tiffany貼晒身嘅當然唔係你，而係佢無論去到邊都會跟身嘅四樣嘢！
自小鍾意粉紅色，入行前更試過全身粉紅打扮。長大後，仍然覺得粉紅色係最靚，一入舖頭，看中的第一件貨品，一定是粉紅色的。但自從被人當面話過：「着粉紅色好娘！」之後，已不會如以往般PinkLadyLook示人，但全身仍有八成Pink，由耳環、眼影、背心、手袋、手鈪、鞋甚至襪都係粉紅色！
李媽媽一次在法國旅行時看中這隻只是DisplayOnly的手鈪，返港後，死心不息，走勻名店甚至二手舖，終於找到這條粉紅色的皮手鈪！又是粉紅色，難怪Tiffany愈說愈興奮：「係唔係名牌冇所謂，最緊要係媽咪送！不過，我都叫過佢唔好再送名牌畀我，我有錢可以自己買！」
Tiffany更鍾意講影貼紙相，重要唔會停：「個個一聽我話鍾意影貼紙相，一定覺得係好白癡，其實𠵱家貼紙相好有型啦，可以玩Effect，唔再係圍住幾個Cutie公仔咁老土！重有，影貼紙相好講相紙靚唔靚？你收藏得好唔好……」
22歲，雖然拍了本賣斷市的寫真集，但仍是名小女孩，連這隻風魔十來歲少女的熊仔Gloomy也是心頭好！「兩三個月前，重係好肥，無工開，日日行街，都不知是發洩定真係鍾意，一口氣買咗十幾二十隻，之後居然就有嘢做，重減肥成功，唔知係唔係佢旺我呢？」
