響汽車史上，除德國福士「甲蟲」深入民心外，英國「迷你谷巴」亦不遑多讓。備受車迷追捧之餘，「迷你谷巴」更曾於1969年出任米高堅《天羅盜網》片中大盜嘅座駕；嬌俏嘅外形加上靈巧身手，響片中跟主角嘅鋒芒，同樣深入戲迷嘅心中。
想不到跨越新世紀嘅MiniCooper不衰反盛，響2002年推出全新車款後，再掀起全球嘅「迷你」熱潮，響美國推出不久便賣出3萬部，更被一眾車迷投票選為2003年「北美之車」㖭！然而，一眾「迷你」Fans同戲迷，又可以再一次欣賞到大盜跟新款「迷你谷巴」嘅精湛演出喇！事關新一齣《天羅盜網》，快將於9月4日在港公映；戲中一班主角，跟三部紅、白、藍「迷你」在洛杉磯市中心飛馳外，更炒上荷李活明星大道（HollywoodBoulevard），再攝入繁忙嘅地下鐵月台及路軌，以逃避直升機嘅追捕㗎！查實，整套戲用上由寶馬車廠借出嘅32部「迷你」車，有負責跳崖、槍戰等場面呢！相信定必令「迷你」Fans看得目瞪口呆㗎！
