噚日八方聽位地產界朋友講，立法會議員陳鑑林日前用咗超過一百七十萬，買咗西半山采文軒一個中低層五百六十七方呎單位送畀個女，呎價超過三千蚊。八方打電話畀陳議員證實咗單料。
原來陳議員個女𠵱家喺香港大學升讀三年級，最後一年，當然會有好多功課同project要趕，好緊張㗎嘛，陳議員為咗唔使個女舟車勞頓，就買咗喺正西邊街同般咸道交界，行兩步就係香港大學嘅采文軒畀個女住，以後個女行幾分鐘，就可以返學，極之方便。
陳議員話，個女讀埋今年都重可能會繼續進修，繼續住喺采文軒，個單位係自住用途，唔會放租。八方問佢，如果讀中五嘅細仔將來考埋入港大咪可以搬埋去住？陳議員就話冇考慮到咁長遠喎！
傳真︰2623-9278
電郵︰