一班又一班唔同界別嘅人排隊上京，令京城一下子非常熱鬧，好似噚日輪到法律界咁，阿爺一出聲就有五十幾人上去，重有好多唔見到，都唔記得佢係出身自法律界嘅代表㖭。
當廖長城噚晚一馬當先，行入北京貴賓樓招呼記者嘅時候，後面冇幾遠見到近日因為賣皇馬波飛俾人鬧到七彩嘅康寶駒行入嚟，八方老友重以為體育界都有拉隊上京，諗真啲先記得康生其實係律師。
搭咗三個鐘飛機，團長廖長城一落機就話今日會見司法部同法工委喬主任，八方聽到係都覺得有啲唔妥，睇清楚資料，喬曉陽早喺今年三月十九號，第十屆全國人大常委會召開首次會議當日被免去法工委職務，改任全國人大常委會副秘書長，𠵱家同時係全國人大法律委員會副主任。究竟法律界拜會嘅係邊位呢？
傳真︰2623-9278
電郵︰