女子組合Twins與Cookies前晚在會展同台演出，豈料雙方歌迷忽然起爭執，疑是Cookies的女歌迷竟然班救兵與Twins的歌迷再理論。Twins希望年輕歌迷不要衝動。
二人女子組合Twins、Shine、麥浚龍和Cookies等前晚在會展，為新城與恒生銀行合辦的音樂派對擔任嘉賓，一班歌手各有Fans支持。
音樂會接近尾聲時，有兩位女歌迷在台下互罵，據悉一名疑是Cookies的歌迷與Twins蔡卓妍（阿Sa）的一名女歌迷忽然起爭執，Cookies的女Fans一度離場，不久與十多名男子折返。
阿Sa的女歌迷被十多名男子包圍，其中一名男子代表與她交涉，當記者拍照時，兩批人立刻散開，疑是Cookies歌迷的少女在十多名青年護送下匆匆離開。
對於fans爭執事件，昨日阿Sa出席活動時說：「噚晚做完騷之後去排舞，有fans話件事畀我知，可能個騷氣氛好，fans咪熱情囉！而且啲歌迷大部份好細個，比較衝動。」
阿Sa續說：「如果係支持Twins嘅話，以後就唔好咁做，唔好咁衝動。我同阿嬌有個新方法對付fans，如果佢哋追車、拍車門，我哋就唔睬佢哋，直至佢知錯saysorry。」
有指前晚鍾欣桐（阿嬌）的歌衫較搶鏡，阿Sa說：「冇，本來我哋都係着tubetop，只係我嗰件甩甩哋，所以先唔着。有身材就話唔怕甩啫，唔係成世就俾人話係長平公主。」
此外，Shine的徐天佑與Cookies的Miki被發現戴情侶手表，前晚天佑再解釋不知道對方為何有同款手表，他表示近期常與朋友打野戰，才買那款對講機手表。
天佑說：「我唔鍾意戴情侶表，呢款表好多人都有。我真係唔想累人，總之有嘢就入我數。」而Miki強調手表是舊同學所送。
