特首董建華呢排發力，頻頻見人聽意見，當然係希望一洗公眾對佢以前偏聽左派同「擦鞋仔」嘅印象，不過佢呢頭做，港進聯嗰頭同佢倒米。
噚日港進聯主席劉漢銓連同幾位黨友同特首見面，會後見記者講會面成果，劉主席以港進聯被好多人稱為「保皇黨」做開場白，佢話「保皇黨」都有好處，就係可以同特首「真情對話」。
之後記者問到，特首對佢哋一連串嘅建議有何回應時，劉漢銓一開口就話：「董生對我哋呢啲一向支持佢嘅保皇黨所反映嘅事，表示十分高興……因為佢知道我哋同佢講嘅，係真真正正為政府好，唔係話喺度批評。」
咁講，即係暗示特首認為其他非保皇黨人士，尤其係批評佢嘅，都唔係真正為政府好？
傳真︰2623-9278
電郵︰