李彩樺（Rain）、陳文媛、胡杏兒及陳鍵鋒等，昨日到荃灣出席「健康第壹大獎2003」頒獎典禮。
阿Rain昨日穿上吊帶裝現身，她表示近日收身成功，由一百三十磅減至現時的一百零八磅。問收身後阿Rain會否有三點式演出？現年十九歲的她說：「三點式我會留番二十一歲先着，我覺得到時係人生另一個階段，想突破啲。二十一歲會喺沙灘搞生日會，大家一齊着泳衣，都會叫埋方力申着泳褲出席。」而方力申昨日因在南韓比賽，未有出席頒獎禮，要由阿Rain代為領獎。
此外，一對緋聞男女胡杏兒及陳鍵鋒昨日在現場有講有笑，當司儀在台上取笑兩人的緋聞時，一度引來台下陳鍵鋒的fans起哄，胡杏兒立刻向fans說：「放心啦，我哋唔係真㗎，冇拍拖呀。」
採訪、攝影：汪正文
